ప్రస్తుతం సోషల్ మీడియాలో ‘బీ ద రియల్మెన్’ #BetheREALMAN ఛాలెంజ్ చాలా పాపులర్ అయ్యింది. అర్జున్ రెడ్డి డైరెక్టర్ సందీప్ రెడ్డి ప్రారంభించిన ఈ ఛాలెంజ్‌తో సినీ పరిశ్రమలోని సెలబ్రిటీలంతా ఇంటి పనులు చేస్తూ, ఇండస్ట్రీలోని మరికొందరికి ఈ ఛాలెంజ్‌ను పాస్ చేస్తున్నారు.
సందీప్ రెడ్డి తొలుత రాజమౌళికి ఈ ఛాలెంజ్ విసరగా, ఆ ఛాలెంజ్‌ని స్వీకరించిన జక్కన్న తర్వాత జూనియర్ ఎన్టీఆర్, రామ్ చరణ్, యార్లగడ్డ శోభు, సుకుమార్, ఎమ్ఎమ్ కీరవాణిలకు ఛాలెంజ్ విసిరారు. కాగా.. ఈ ఛాలెంజ్‌ను స్వీకరించిన రామ్ చరణ్ ఇంటి పనులు చేస్తూ ఓ వీడియో తీసి మరికొందరు సెలబ్రిటీలకు ఈ ఛాలెంజ్‌ను పాస్ చేశారు.
ఈ వీడియోలో రామ్ చరణ్ బట్టలు సర్దుతూ, మాప్‌తో ఫ్లోర్ క్లీన్ చేస్తూ, మొక్కలకు నీళ్లు పోస్తూ, భార్య ఉపాసనకు కాఫీ పెట్టిస్తూ కనిపిస్తారు. రాజమౌళి గారు మీరిచ్చిన ఛాలెంజ్ పూర్తి చేశాను, వర్క్ లోడ్‌ను పంచుకొని ఇంట్లోని స్త్రీలకు సాయపడటం ద్వారా నిజమైన మగాళ్లం అనిపించుకుందాం అంటూ రామ్ చరణ్ ట్వీట్ చేశారు.
బీ ద రియల్మెన్ ఛాలెంజ్ పూర్తి చేసిన రామ్ చరణ్ తన తరఫు నుంచి మరో నలుగురిని ఈ ఛాలెంజ్‌కు నామినేట్ చేశారు. ఇందులో టాలీవుడ్ డైరెక్టర్ త్రివిక్రమ్, బాలీవుడ్ స్టార్ హీరో రణ్‌వీర్ సింగ్, భల్లాలదేవ రానా దగ్గుబాటి, హీరో శర్వానంద్‌లు ఉన్నారు.
Done @ssrajamouli garu !!
Let's take pride in doing chores at home! Let's be real men and help the women by sharing the work load.#BetheREALMAN
I further nominate Trivikram garu, @RanveerOfficial, @RanaDaggubati and @ImSharwanand to take up the challenge. pic.twitter.com/ItQ0zNQOR8
— Ram Charan (@AlwaysRamCharan) April 21, 2020
