రామ్ చరణ్ ముద్దులు భార్య ఉపాసన కొణిదెల ఈ లాక్‌డౌన్ సమయాన్ని చక్కగా ఉపయోగించుకుంటోంది. ఉపాసనే కాదు, ఇతర సెలబ్రిటీలు కూడా ఈ లాక్‌డౌన్ సమయాన్ని వృధా చేసుకోకుండా కొత్త అంశాలను తెలుసుకునే ప్రయత్నం చేస్తున్నారు. ఇందులో భాగంగానే ఉపాసన కూడా వ్యవసాయంపై దృష్టి సారించింది.
తమ తోటలో నాన్న గారితో కలిసి ఆర్గానిక్ ఫామింగ్ నేర్చుకుంటోంది. సోషల్ మీడియా ద్వారా నెటిజెన్లతో నిత్యం టచ్‌లో ఉండే ఉపాసన తమ తోటలో అవులకు గడ్డి వేస్తూ, వాటికి కుడితి నీళ్లు కలుపుతూ, పేడను ఎత్తుతూ కనిపించింది. ఇందుకు సంబంధించిన ఫోటోలను ట్విట్టర్‌లో పోస్ట్ చేసింది.
గోబర్ గర్ల్ విత్ డాడ్, మోడ్రన్ డే ఫార్మర్ అనే క్యాప్షన్‌తో ఆహార వ్యర్థాలను తగ్గించడం, వాటిని పునఃర్వినియోగించడం, రసాయనాలు లేని వ్యవసాయం వంటి విషయాలను నాన్నతో కలిసి నేర్చుకుంటున్నానని ఉపాసన చెప్పారు.
Gobar Girl with Dad – the Modern Day Farmer. 😛🥰❤️
Learning organic farming, composting, how to reduce/re use food waste & the beauty of adapting sustainable lifestyle. pic.twitter.com/3iNJ69fRHF— Upasana Konidela (@upasanakonidela) May 14, 2020
